پاکستان کو گزشتی تین ماہ میں 2 ارب 30 کروڑ ڈالر کی بیرونی فنڈنگ موصول ہوئی ہے جس میں آئی ایم ایف سے 7 ارب ڈالر کے نئے قرض میں سے 1 ارب ڈالر کی پہلی قسط بھی شامل ہے۔
تفصیلات کے مطابق پاکستان کو گزشتہ تین ماہ کے دوران 2 ارب 30 کروڑ ڈالر کی بیرونی فنڈنگ موصول ہوئی ہے۔ جس میں آئی ایم ایف سے 7 ارب ڈالرکے نئے قرض میں سے 1 ارب ڈالر کی پہلی قسط بھی شامل ہے جبکہ پاکستان کو دیگر مالیاتی اداروں اور ممالک سے 1 ارب 23 کروڑ ڈالر قرضہ حاصل ہوا ہے۔ پاکستان کو جولائی تا ستمبر 7 کروڑ ڈالر سے زیادہ کی بیرونی گرانٹ ملی ہے۔
عالمی مالیاتی اداروں نے جولائی تا ستمبر 48 کروڑ 29 لاکھ ڈالر قرض دیا ہے اور چین اور سعودی عرب سمیت دوطرفہ ممالک نے 25 کروڑ ڈالر فراہم کیئے ہیں، اس طرح رواں سال مجموعی طور پر 19 ارب 39 کروڑ ڈالر کے بیرونی فنڈز ملنے کا تخمینہ لگایا گیا ہے۔
By 
