بابر اعظم کا اعزاز ، آسٹریلیا کے تاریخی گراؤنڈ میں بیٹ نمائش کیلئے رکھا جائے گا

پاکستان کے مایہ ناز بلے باز بابراعظم  ایک اور اعزاز اپنے نام کرنے والے ہیں ،  سابق کپتان کا بلا ( بیٹ) آسٹریلیا کے تاریخی میلبرن کرکٹ گراؤنڈ (ایم سی جی) کے لانگ روم میں نمائش کے لیے رکھا جائے گا۔

میڈیا رپورٹ کے مطابق تاریخی ایم سی جی کے حکام نے بابر اعظم سے لانگ روم کے لیے اپنابلا عطیہ کرنے کا کہا تھا جس کے بعد بابر اعظم نے 2022 کے ٹی 20 ورلڈکپ کے فائنل میں استعمال ہونیوالا بلا عطیہ کردیا۔

یہ بھی پڑھیں : پاکستان سے بیرون ملک جانیوالے مسافروں پر بائیو میٹرک کی تصدیق لازمی قرار

ایم سی جی لانگ روم میں لیجنڈ بلے باز ڈان بریڈ مین، ڈیوڈ بون، جیک ہوبز اور برائن لارا کے بلے  بھی نمائش کے لیے موجود ہیں۔

یاد رہے کہ پاکستان ٹیم آسٹریلیا کے مختصر دورے پر میلبرن میں موجود ہے جہاں وہ 3 ایک روزہ میچز اور 3 ٹی 20 میچز کھیلے گی۔

 4 نومبر کو پاکستان آسٹریلیا کے خلاف اپنا پہلا ایک روزہ میچ میلبرن میں کھیلے گی جس کے بعد بقیہ 2 میچز ایڈیلیڈ اور پرتھ میں کھیلے جائیں گے۔