واٹس ایپ نے صارفین کے لیے ڈرافٹ فیچر پیش کردیا

پیغام رسانی کے لیے استعمال ہونے والی میٹا کی زیر ملکیت موبائل ایپلی کیشن واٹس ایپ نے ایک اور نیا فیچر پیش کردیا۔

واٹس ایپ پر نظر رکھنے والے ادارے  کی رپورٹ کے مطابق کمپنی کی جانب سے صارفین کیلیے ایک نیا فیچر تیار کیا گیا ہے جس کے تحت وہ کوئی بھی ڈرافٹ میسج چیٹ کھولے بغیر دیکھ سکیں گے۔

اس فیچر کو کمپنی کی جانب سے ’ڈرافٹ میسج‘ فیچر کا نام دیا گیا ہے جسے پہلے مرحلے میں آزمائش کے لیے آئی فون کے مخصوص صارفین کو پیش کیا گیا ہے۔

یہ بھی پڑھیں : وی پی این سروس کا استعمال کیسے ممکن؟پاکستانی صارفین کیلئے اہم خبر

ایپل کے صارفین کے لیے آزمائشی طور پر متعارف کرائے گئے ’ڈرافٹ‘ فیچر کو کامیابی کے بعد تمام صارفین کے لیے پیش کیا جائے گا۔

فیچر کے تحت صارفین کے نامکمل پیغامات پر لیبل لگ جائے گا جس کو وہ ایک علیحدہ آپشن ’چیٹ فہرست‘ میں جاکر میسج کھولے بغیر دیکھ اور پھر اس میں ترمیم بھی کرسکے گا۔

اس فیچر کا مقصد غیر ضروری چیٹ کی جھنجھٹ سے صارفین کو سہولت فراہم کرنا ہے۔