چیمپئنز ٹرافی : بھارتی ٹیم کا پاکستان آنے سے انکار، ’’نیا آپشن‘‘سامنے آ گیا

چیمپئنز ٹرافی : بھارتی ٹیم کا پاکستان آنے سے انکار، ’’نیا آپشن‘‘سامنے آ گیا

چیمپئینز ٹرافی میں بھارتی ٹیم کا شرکت سے انکار کے بعد اور پاکستان کے سخت موقف اپنانے پر مشکل صو رت حال سے نمٹنے کے لئے مجوزہ نیا آپشن بھی سامنے آگیا۔

تفصیلات کے مطابق نجی ٹی وی کے ذرائع سے دعویٰ کیاہےکہ کچھ لو اور کچھ دو کے فارمولے سے ایونٹ کو بچانے کیلئے بات چیت ہوسکتی ہے تاہم ا س کیلئے پاکستان اور بھارتی بورڈ دونوں کو اپنے موقف میں لچک دکھاناہو گی۔

ممکنہ فارمولے کے مطابق بھارتی کرکٹ ٹیم 3 میں سے ایک میچ پاکستان آکر کھیلنے کے لئے لاہور کے قذافی اسٹیڈیم پہنچے، وہاں میچ کھیل کر واپس اپنے ملک یا پھر یواے ای جا سکتی ہے۔

بھارتی ٹیم اگر سیمی فائنل میں رسائی حاصل کرتی ہے تو میچ یواے ای میں کروایا جائے، البتہ اگر فائنل میں جگہ بنانے میں کامیاب ہو جائے تو لاہور آکر کھیلنا پڑے گا۔ پی سی بی کو بھارتی ٹیم کے میچز پاکستان میں نہ ہونے کی وجہ سے ممکنہ نقصان پر انٹر نیشنل کونسل ( آئی سی سی )چیمپئینز ٹرافی کی آمدنی میں سے زیادہ حصہ دیا جائے۔

اس آپشن کو اپنانے سے انٹرنیشنل کرکٹ کونسل سمیت پاکستان اور بھارتی کرکٹ بورڈ دونوں کو مشکل صورتحال سے نکلنے میں خاصی مدد مل سکتی ہے۔بھارتی ٹیم کے پاکستان آنے سے انکار پر ناخوش پاکستان کرکٹ بورڈ (پی سی بی)کو بھی موقف منوانے میں کچھ ریلیف ملے گا جبکہ بھارتی کرکٹ بورڈ بھی ہائبرڈ ماڈل کی اپنی بات کسی حد تک منوا سکے گا۔

یہ بھی پڑھیں:کرکٹ کے بعد بھارت نے کبڈی ٹیم کو بھی پاکستان آنے سے روک دیا

دوسری جانب پاکستان کرکٹ بورڈ(پی سی بی) کے خط کا آئی سی سی نے اب تک کوئی جواب نہیں دیا ہے۔ ذرائع کے مطابق انڈین کرکٹ بورڈ نے اپنے انکار سے اسے زبانی طور پر آگاہ کیا تھا اس لئے کونسل تاخیر سے کام لے رہی ہے۔

Related Articles

Leave a Reply

Your email address will not be published. Required fields are marked *