وی پی این کے استعمال پر حافظ طاہر محمود اشرفی کا موقف سامنے آ گیا

پاکستان علماء کونسل کے چیئرمین حافظ طاہر محمود اشرفی نے وی پی این کے استعمال پر اپنے خیالات کا اظہار کیا ہے۔

فیصل آباد میں میڈیا سے گفتگو کرتے ہوئے انہوں نے کہا کہ جو عناصر ملک میں انارکی پھیلانے کی کوشش کرتے ہیں، وہ دراصل ملک دشمن ہیں۔

حافظ طاہر محمود اشرفی نے مزید کہا کہ وی پی این پر پابندی لگانے یا نہ لگانے کا فیصلہ حکومت کو کرنا ہے، اور اس حوالے سے کوئی حتمی فیصلہ حکومت کی ذمہ داری ہے۔

ان کا کہنا تھا کہ بعض افراد ملک میں انتشار اور نفرت پھیلانے کے ایجنڈے پر عمل پیرا ہیں، اور ملک دشمن عناصر کو ملک کی ترقی پسند نہیں آتی۔