جتھوں سے وفاق پر چڑھائی کرنے سے کسی کو این آر او نہیں ملتے: عظمیٰ بخاری

وزیر اطلاعات پنجاب عظمیٰ بخاری نے کہا ہے کہ پی ٹی آئی کارکنوں کے مجرم علی امین گنڈا پور اور بشریٰ بی بی ہیں۔

تفصیلات کے مطابق عظمیٰ بخاری کا اپنے بیان میں کہا کہ تحریک انصاف کی موجودہ قیادت بزدلی کے آخری درجے پر فائز ہے، وزیر اعلیٰ خیبر پختونخوا علی امین گنڈا پور اور بشریٰ بی بی کی گاڑیوں پر پارٹی کارکنوں نے ڈنڈے مارے۔

یہ بھی پڑھیں:وفاقی حکومت کا اوورسیز پاکستانیوں کو بڑا ریلیف دینے کا فیصلہ

ان کا کہنا تھا کہ بانی پی ٹی آئی عمران خان اور ان کی جماعت ختم کرنے کے لئے ان کی اہلیہ بشریٰ بی بی ہی کافی ہیں، جتھوں سے وفاق پر چڑھائی کرنے سے کسی کو این آر او نہیں ملتے۔

یہ بھی پڑھیں:پی آئی اے کا جنوری سے پاکستان سے پیرس کے لیے پروازیں چلانے کا فیصلہ

انہوں نے کہا کہ یہ اپنی بدنامی کو فیک نیوزاور افواہوں کے پیچھے چھپا رہے ہیں، 24نومبر کو تحریک انصاف کی یہ آخری ناکام بغاوت تھی، اب انتشاری ٹولہ دوبارہ وفاقی دارالحکومت کا رخ کرنے کی غلطی کبھی نہیں دہرائے گا۔