سابق پی ٹی آئی رہنما جاوید بدر نے نوازشریف سے معافی مانگ لی

پاکستان تحریک انصاف کے سابق رہنما جاوید بدر نے مسلم لیگ (ن) کے صدر نوازشریف کے نام ایک کھلا خط لکھا جس میں انہوں نے ماضی میں کیے گئے الزام تراشی اور گستاخیوں پر معافی مانگی۔

جاوید بدر نے خط میں کہا کہ نوازشریف سے اپنی گستاخیوں، الزام درازی پر معافی مانگتا ہوں۔ آپ کیخلاف جھوٹا پروپیگنڈا کرنے پر معافی مانگتا ہوں۔ انہوں نے خط میں مزید کہا کہ امید ہے آپ میری غلطیوں کو نادانی سمجھ کر معافی کر دیں گے، یہ خط کسی دباؤ یا لالچ نہیں، اپنے ضمیر کی آواز پر لکھ رہا ہوں۔

مزید پڑھیں: مطالبات تسلیم نہ ہوئے تو 14 دسمبر سے سول نافرمانی کی تحریک شروع کریں‌ گے، عمران خان

جاوید بدر نے آخرمیں نوازشریف کو پاکستان میں استحکام پیدا کرنے پر خراج تحسین پیش کیا اور خواہش کی کہ زندگی میں کبھی ملاقات ہوئی تو آپ کے سامنے غلطیوں کا اعتراف کروں گا۔