پنجاب حکومت نے شہریوں کیلئے مفت سولر اسکیم کا آغاز کر دیا

مہنگی بجلی سے پریشان عوام کے لیے ؒخوشخبری ، پنجاب حکومت نے شہریوں کیلئے مفت سولر سکیم کا آغاز کر دیا ۔

 200 یونٹ تک 1100واٹ سولر پینل فراہم کئے جائیں گے، حکومت کی جانب سے ماہانہ 200 یونٹ تک صارفین کو سولر سسٹم مفت دیا جائے گا۔

 100 یونٹ ماہانہ صرف کرنے والے صارفین کو 550 واٹ کا سولر سسٹم ملے گا، اسکیم کے تحت 550 واٹ کا سولر سسٹم 52,019 گھرانوں کو فراہم کیا جائے گا ، جو ماہانہ 100 یونٹ تک استعمال کرتے ہیں جبکہ 1,100 واٹ کا سولر سسٹم ان لوگوں کیلئے مختص کیا جائے گا جو ماہانہ 200 یونٹ تک استعمال کرتے ہیں۔

یہ بھی پڑھیں : حکومت کا گندم کی امدادی قیمت مقرر کرنے کی پالیسی ترک کرنے کا فیصلہ

صارفین شروع ہونے والی اسکیم کے لیے ویب سائٹ پر آن لائن پورٹل کے ذریعے درخواست دے سکتے ہیں یا اپنی تفصیلات 8800 پر ایس ایم ایس کے ذریعے بھیج سکتے ہیں۔

پورٹل میں اپلائی کرنے کیلئے بجلی بل کا ریفرنس نمبر دینا ہوگا،کرایہ دار، مالک مکان سے این او سی حاصل کرے گا۔

سولر پینلز مالک مکان کے نام ہی جاری ہوں گے، فری سولر پینل اسکیم کیلئے کمپیوٹرائزڈ قرعہ اندازی کی جائے گی، سال بھر ایک لاکھ سولر سسٹم تقسیم ہوں گے، اس سکیم تک رسائی میں صارفین کی مدد کے لیے جلد ہی ایک ہیلپ لائن شروع کی جائے گی۔

قبل ازیں صوبائی وزیر اطلاعات عظمیٰ بخاری کاکہنا تھا  کہ 100 یونٹ ماہانہ بجلی استعمال کرنے والے صارفین کو 550 واٹ کا سولر سسٹم ملے گا۔