وفاقی وزیر اطلاعات و نشریات عطا تارڑ نے کہا ہے کہ تحریک انصاف سے باضابطہ مذاکرات شروع نہیں ہوئے ہیں۔
نجی ٹی وی پروگرام میں گفتگو کے دوران عطا تارڑ نے کہا کہ اسپیکر کے گھر وزیراعظم اور اسپیکر کی کوئی ملاقات نہیں ہوئی ، ابھی باضابطہ بات چیت شروع نہیں ہوئی، غیر رسمی ملاقاتیں ہوتی رہتی ہیں، پی ٹی آئی سے کوئی رابطہ بحال نہیں ہوا، کمیٹیوں کے مذاکرات شروع نہیں ہوئے۔
وفاقی وزیر اطلاعات نے کہا کہ یہ لوگ پہلے 9 مئی اور 26 نومبر پر شرمندگی کا اظہار تو کریں، ریاست کو بدنام کرنے کے لیے جھوٹا بیانیہ بنایا جا رہا ہے۔
انہوں نے کہا کہ یہ لوگ سیاسی ناکامی سے فرار اختیار کرنا چاہتے ہیں، پی ٹی آئی کا اعتبار کون کرے گا؟ ان کی گارنٹی کون دے گا؟ پی ٹی آئی کو بتایا گیا تھا کہ ڈی چوک پر نہیں آسکتے، اپوزیشن جماعت نے جو کچھ کیا، اُس کے تمام ثبوت موجود ہیں۔
لیگی رہنما کاکہناتھا کہ صوبائی حکومت کے وسائل استعمال کر کے وفاق پر چڑھائی کی جاتی ہے، پی ٹی آئی 26ویں آئینی ترمیم میں آخری منٹ پر اپنی باتوں سے مکر گئی تھی۔
عطا تارڑ نے کہا کہ نومئی کوشفقت محمود، صمصام بخاری نے حملے سے انکارکیا تھا،اس کیس میں میرٹ پرفیصلہ ہوگا کہ بانی پی ٹی آئی کا ٹرائل کہاں ہوگا۔
By 
