تھائی لینڈ نے پاکستان اور افغانستان میں ای ویزا سروس متعارف کروادی

تھائی لینڈ نے پاکستان اور افغانستان میں غیر ملکی شہریوں کے لیے ای ویزا سروس متعارف کروادی۔

نجی ٹی وی کی رپورٹ کے مطابق ای ویزا سروس کا اطلاق یکم جنوری 2025 کی صبح 10 بجے سے ہوگا، پاکستان اور افغانستان میں تھائی ویزا کے خواہشمند افراد کو نئے آن لائن ویزا پلیٹ فارم کے ذریعے درخواست دینا ہوگی۔

ای ویزا سروس سے مستفید ہونے کے لئے ای میل ایڈریس https://www.thaievisa.go.th دیا گیا ہے، درخواست منظور ہونے کے بعد درخواست دینے والوں کو ایک تصدیقی ای میل بھیجی جائے گی۔

اس ای میل کی ایک پرنٹ شدہ کاپی روانگی کے وقت ائیر لائن کو اور آمد پر تھائی امیگریشن حکام کو دینا ہوگی۔ چوبیس دسمبر 2024ء تک سفارت خانہ ویزا کی درخواستیں ذاتی طور پر قبول کرتا رہے گا۔

درخواست دہندگان مزید پوچھ گچھ کے لئے isb@mfa.go.th. پر ای میل کرکے سفارت خانے سے رابطہ کر سکتے ہیں۔