جے یو آئی (ف) کے سربراہ مولانا فضل الرحمان نے کہا ہے کہ مدارس رجسٹریشن بل پر ایک دو دن میں خوشخبری سنیں گے۔
ان کا کہنا تھا کہ شہباز شریف نے وزارت قانون کو فوری ہدایت جاری کی ہے کہ آئین و قانون کے مطابق آپ فوری طور پر عملی اقدامات کریں، ہمیں امید ہے کہ ہمارا مطالبہ تسلیم کیا جائے گا۔
مولانا فضل الرحمان نے میڈیا سے بات کرتے ہوئے کہا کہ مدارس رجسٹریشن بل جو دونوں ایوانوں سے منظور ہوا تھا، اس پر بات چیت کے لیے انہوں نے دعوت دی تھی۔
مولانا فضل الرحمان نے کہا کہ ان کو اس بات کا ادراک تھا کہ اتحاد تنظیمات مدارس دینیہ نے متفقہ طور پر جو مؤقف اختیار کیا ہے، اس کے بعد جو صورتحال پیدا ہوئی، اس پر حکومت اب کوئی حتمی فیصلہ کرے، اور اس کے لیے وزیراعظم نے مجھے دعوت تھی۔
انہوں نے کہاکہ میں نے اتحاد تنظیمات مدارس دینیہ کے سربراہ مولانا مفتی تقی عثمانی کے اعتماد و اجازت کے ساتھ یہاں وزیراعظم ہاؤس میں بات کی، ہم نے اپنا موقف وزیراعظم کے سامنے رکھا ہے، جس پر انتہائی مثبت جواب دیا گیا۔
By 
