عمران خان اوربشریٰ بی بی کے خلاف 190 ملین پاؤنڈ ریفرنس کا محفوظ فیصلہ موخر کر دیا گیا۔
عمران خان اور بشریٰ بی بی کے خلاف 190 ملین پاؤنڈ ریفرنس کا فیصلہ کل نہیں سنایا جائے گا۔ 18 دسمبر کو احتساب عدالت کے جج ناصر جاوید رانا نے 190ملین پاؤنڈ ریفرنس کا فیصلہ محفوظ کیا تھا، جو کہ کل سنایا جانا تھا تاہم اب فیصلہ موخر کر دیا گیا ہے۔
میڈیا رپورٹس کے مطابق احتساب عدالت کے عملے نے پی ٹی آئی کے وکلا کو اس فیصلے کے مؤخر ہونے سے آگاہ کر دیا ہے۔ احتساب عدالت کل ریفرنس کے فیصلے کی نئی تاریخ جاری کرے گی۔
واضح رہے کہ ریفرنس کا ٹرائل ایک سال میں مکمل ہوااور نیب کی جانب سے 35 گواہان کے بیانات ریکارڈ کرائے گئے۔ پی ٹی آئی کے وکلا نے ان گواہان پر جرح بھی کی۔ کیس کی سماعت کے دوران تین ججز تبدیل ہوئے اور تفتیشی افسر پر 38 سماعتوں کے بعد وکلا صفائی نے جرح مکمل کی۔
ملزمان کو 342 کے تحت اپنے دفاع میں بیانات دینے کے لیے 15 مواقع فراہم کیے گئےلیکن ملزمان نے اپنے دفاع میں کوئی گواہ پیش نہیں کیا۔
بشریٰ بی بی کی ضمانت قبل از گرفتاری ٹرائل کورٹ اور عمران خان کی ضمانت اسلام آباد ہائی کورٹ نے منظور کی جبکہ ملزمان کی درخواست بریت پر اسلام آباد ہائی کورٹ نے ٹرائل کورٹ کو فیصلے کا اختیار دیا۔
By 
