پرندہ کی الاسکا سے آسٹریلیا تک نان اسٹاپ پرواز، نیا عالمی ریکارڈ

ایک ننھا سا پرندہ، مگر حیرت انگیز کارنامہ۔ بار ٹیلڈ گاڈ وِٹ نے الاسکا سے آسٹریلیا تک بغیر رکے 8,425 میل طویل سفر طے کر کے نیا ریکارڈ قائم کر دیا۔

ماہرین کے مطابق اس پرندے کو سیٹلائٹ ٹیگ کے ذریعے ٹریک کیا گیا، جس سے معلوم ہوا کہ اس نے بحرالکاہل کے اوپر سے مسلسل 11 دن تک بغیر خوراک، پانی یا آرام کے پرواز جاری رکھی اور بالآخر تسمانیہ پہنچا۔

یہ کبھی پڑھیں :قدیم دور سے آج تک، تانبا کیوں پہنا جاتا رہا؟

حیران کن بات یہ ہے کہ یہ پرندہ سفر سے پہلے اپنے جسم میں چربی ذخیرہ کر کے وزن تقریباً دگنا کر لیتا ہے، جو دورانِ پرواز اس کا ایندھن بنتی ہے۔ طویل سفر کے دوران اس کا جسم غیر ضروری حصوں، جیسے نظامِ ہضم کے کچھ اجزا، کو کم کرنا شروع کر دیتا ہے تاکہ وزن ہلکا رہے اور توانائی بچائی جا سکے۔

ماہرین کا کہنا ہے کہ اس کے برعکس دل، پھیپھڑے اور پرواز کے عضلات مسلسل مضبوط رہتے ہیں، جو اسے اتنا طویل سفر مکمل کرنے میں مدد دیتے ہیں۔ یہ پرندہ بلند فضا میں اڑتا ہے جہاں ہوائیں اس کی رفتار بڑھاتی ہیں اور یہ اپنا سفر موسم کے مطابق ترتیب دیتا ہے۔

یہ بھی پڑھیں :پلاسٹک آلودگی کا حل؟ چین کی نئی ٹیکنالوجی سامنے آگئی

دلچسپ بات یہ ہے کہ یہ کوئی ایک بار کا واقعہ نہیں بلکہ یہ پرندے ہر سال اسی طرح کی طویل ہجرت کرتے ہیں۔یہ حیران کن مثال اس بات کو ظاہر کرتی ہے کہ زمین پر برداشت اور طاقت کے کچھ سب سے بڑے کارنامے نہ انسان کرتے ہیں نہ مشینیں، بلکہ وہ مخلوقات انجام دیتی ہیں جن کے بارے میں اکثر لوگ جانتے بھی نہیں۔