وزیر اعلیٰ خیبرپختونخوا علی امین گنڈاپور نے سیکیورٹی فورسز کو جنوبی وزیرستان کے علاقے سراروغہ میں 13خوارج کو ہلاک کرنے کی کارروائی پر خراج تحسین پیش کیا۔
وزیراعلیٰ علی امین گنڈاپور نے کہا کہ دہشتگردوں کے خلاف سیکیورٹی فورسز کی کامیاب اور موثر کارروائی قابل تحسین ہے۔ ملک سے دہشتگردی کے خاتمے کے لئے پوری قوم سیکیورٹی فورسز کے شانہ بشانہ کھڑی ہے۔
انہوں نے مزید کہا کہ قوم دہشتگردی کو جڑ سے ختم کرنے کے لئے متحد اور پر عزم ہیں۔
دوسری جانب گورنر خیبرپختونخوا فیصل کریم کنڈی نے بھی سراروغہ جنوبی وزیرستان اپر میں خوارج کے خلاف کامیاب آپریشن پر سیکیورٹی فورسز کو خراج تحسین پیش کیا۔
گورنر فیصل کریم کنڈی نے کہا کہ جنوبی وزیرستان کے علاقے سراروغہ میں کامیاب آپریشن پر افواج پاکستان خراج تحسین کے مستحق ہیں۔ اسلام اور ملک دشمن خوارج کسی رعایت کے مستحق نہیں۔ ریاست اور عوام کے تحفظ کے لیئے کوشاں ہماری فورسز ہمارا فخر ہے۔
انہوں نے مزید کہا کہ 13 خوارج کو جہنم واصل کرنا لائق ستائش ہے۔
By 
