وزیر تجارت جام کمال خان نے کہا ہے کہ پاکستان اور بنگلہ دیش کے درمیان تجارتی تعلقات میں اہم پیشرفت ہوئی ہے، دونوں ممالک کے درمیان کے 15 ارب ڈالر تک کی تجارت کے روشن امکانات ہیں۔
وزیر تجارت کا کہنا تھا کہ بنگلہ دیش نے پاکستانی چاول اور سبزیوں میں دلچسپی کا اظہار کیا ہے، انہوں نے کہا کہ بنگلہ دیش کے کاروباری افراد نے پاکستان سے تجارت میں دلچسپی کا اظہار کیا ہے۔
ان کا کہنا تھا کہ پاکستان سے چاول اور سبزیوں کی تجارت بارے بات چیت جاری ہے، حالیہ سارک کانفرنس میں دونوں ممالک کے درمیان مثبت بات چیت ہوئی۔
بنگلہ دیش نے پاکستانی چاول کی خریداری میں دلچسپی کا اظہار کیا ہے، جام کمال خان نے کہا کہ پاکستان اور بنگلہ دیش کے درمیان فلائٹس بحالی کی کوشش بھی کر رہے ہیں۔
تعلقات سے 10 سے 15 ارب ڈالر کے تجارتی تعاون کا امکان ہے، انہوں نے کہا کہ دونوں ممالک کی مارکیٹس کو جوڑنے کی ضرورت ہے، وزارتِ تجارت تجارتی تعلقات کی بحالی پر کام کر رہی ہے۔
وزیر تجا رت جام کمال خان نے کہا کہ ہمسایہ ممالک کے ساتھ تجارت بڑھانے کا بہترین موقع ہے۔
By 
