سعودیہ کی سستی ائیر لائن نے پاکستان کیلئے فلائیٹ شیڈول کا اعلان کر دیا۔
کم لاگت والی سعودی ائیرلائن فلائی اے ڈیل نے 2فروری 2025ء سے پاکستان کے شہر کراچی کیلئے شیڈول پروازیں شروع کرنے کے منصوبے کا اعلان کردیا ہے۔
ائیر لائن حکام کا کہنا ہے کہ یہ اقدام اس کی بین الاقوامی توسیعی حکمت عملی میں ایک اہم سنگ میل کی نشاندہی کرتا ہے اور یہ پاکستان اور جنوبی ایشیا کیلئے اس کی پہلی شیڈول سروس کی بھی نمائندگی کرتا ہے۔
2فروری سے فلائی اے ڈیل کی کراچی سے سعودی عرب کے شہر ریاض اور جدہ کیلئے ہفتے میں دو پروازیں ہوں گی۔
ایئر لائن کے چیف ایگزیکٹو آفیسر سٹیون گرین وے نے کہا کہ وہ جلد ہی پاکستان کے دیگر شہروں کیلئے مزید پروازیں شامل کرنے کا ارادہ رکھتے ہیں۔
By 
