سرکاری ڈسکوز صارفین کیلئے بجلی 63 پیسے فی یونٹ سستی ہونے کا امکان

 سرکاری ڈسکوز کے صارفین کیلئے بجلی 63 پیسے فی یونٹ سستی ہونے کا امکان ہے ۔

سینٹرل پرچیزنگ پاور ایجنسی (سی سی پی اے) نے نیپرا سے قیمت میں کمی کی درخواست کردی، نیپرا بجلی کی قیمتوں میں کمی سے متعلق درخواست پر آج سماعت کرے گا،  یہ کمی ماہانہ فیول پرائیس ایڈجسٹمنٹ کے تحت ماہ نومبر کیلئے مانگی گئی تھی ۔

درخواست میں کہاگیا ہے کہ گزشتہ ماہ 7 ارب 71 کروڑ یونٹ بجلی پیدا ہوئی، بجلی کی پیداواری لاگت 55 ارب76 کروڑ روپے رہی، ایل این جی سے 23 روپے20 پیسے فی یونٹ بجلی پیدا کی گئی۔

یہ بھی پڑھیں : بالائی علاقوں میں برفباری، محکمہ موسمیات نے شدید سردی کی پیشگوئی کردی

درخواست میں کہاگیا ہے کہ ایران سے 27 روپے15پیسے فی یونٹ میں بجلی درآمد کی گئی،کوئلہ سے بجلی کی پیداواری لاگت14 روپے92 پیسے رہی۔

نیوکلیئر ذرائع سے ایک روپے 73 پیسے فی یونٹ بجلی پیدا کی گئی، گزشتہ ماہ بجلی کی اوسط پیداواری لاگت 7 روپے 28 پیسے فی یونٹ رہی۔