پیٹرولیم مصنوعات کی قیمتوں میں اضافہ کر دیا گیا

حکومت نے نئے سال کی آمد کے موقع پر پیٹرولیم مصنوعات کی قیمتوں میں اضافہ کر دیا۔

تفصیلات کے مطابق پیٹرول کی فی لیٹر قیمت میں بھی 56 پیسے کا اضافہ کیا گیا ہے جس کے بعد پیٹرول کی نئی قیمت 252 روپے 66 پیسے فی لیٹر ہو گئی ہے۔

ہائی اسپیڈ ڈیزل کی قیمت میں 2 روپے 96 پیسے فی لیٹر کا اضافہ کیا گیا جس کے بعد ہائی اسپیڈ ڈیزل کی نئی قیمت 258 روپے 34 پیسے فی لیٹر مقرر کر دی گئی ہے۔

وزارت خزانہ کی جانب سے جاری نوٹیفکیشن کے مطابق پیٹرولیم مصنوعات کی نئی قیمتوں کا اطلاق رات 12 بجے کے بعد ہوگا۔

دوسری جانب مہنگائی کے ستائے شہریوں کو ریلیف دیدیا گیا، سال ِنو پر ایل پی جی سستی ہوگئی۔ ماہ جنوری کیلئے ایل پی جی کا گھریلو سلینڈر 47 روپے 43 پیسے سستا کر دیا گیا۔ فی کلو ایل پی جی کی قیمت میں 4 روپے ایک پیسے کی کمی کر دی گئی۔

ماہ جنوری کیلئے ایل پی جی قیمتوں کا نوٹیفکیشن جاری کر دیا۔ ماہ جنوری کیلئے ایل پی جی کی فی کلو قیمت 250 روپے 28 پیسے مقرر کر دی گئی۔ نوٹیفیکشن کے مطابق 11.8کلوگرام کے گھریلو سلنڈر کی نئی قیمت 2 ہزار 953 روپے مقررکی گئی۔

رواں ماہ کیلئے ایل پی جی کے گھریلو سیلنڈر کی قیمت 3 ہزار 79 روپے مقرر تھی۔