آسٹریلیا کے ہاتھوں بھارت کو ٹیسٹ سیریز میں بدترین شکست

آسٹریلیا نے سڈنی ٹیسٹ میں بھارت کو شکست دے کر پانچ میچوں کی سیریز اپنے نام کر لی۔

آسٹریلیا نے بھارت کو سڈنی ٹیسٹ میں 6 وکٹوں سے شکست دےکر ورلڈ ٹیسٹ چیمپئین شپ کے فائنل کے لیے بھی کوالیفائی کر لیا ۔

سڈنی ٹیسٹ میں آسٹریلیا نے 6 وکٹوں سے کامیابی حاصل کی، بھارت نے پہلی اننگز میں 185 اور دوسری اننگز میں 157 رنز بنائے ۔

آسٹریلیا نے پہلی اننگز میں 181 اور دوسری اننگز میں 4 وکٹوں پر 162رنز بنائے ۔

یہ بھی پڑھیں : پنجاب میں آج بھی دھند کا راج ، موٹرویز مختلف مقامات پر بند

دوسری اننگز میں آسٹریلیا کی جانب سے ڈیبیو کرنے والے بیو ویسٹر نے ناقابل شکست 38 رنز بنائے جبکہ ٹریوس ہیڈ 34 رنز بنا کر ناٹ آوٹ رہے۔

آسٹریلیا کے اسکاٹ بولینڈ میچ میں مجموعی طور پر 10 وکٹیں حاصل کرنے پر بہترین کھلاڑی قرار پائے جبکہ بھارت کے جسپریت بمراہ کو سیریز میں 32 وکٹیں لینے اور 42 رنز بنانے پر بہترین کھلاڑی کا ایوارڈ دیا گیا۔