پنجاب حکومت کااسکول کے بچوں کو شدید سردی سے بچانے کے لیے گرم لباس تقسیم کرنے کا آغاز

پنجاب حکومت نے سرکاری اسکولوں میں داخل ہونے والے تقریباً 21,000 طلباء کو موسم سرما سے بچاؤ کیلئے ضروری اشیاء فراہم کرنے کا اعلان کیا ہےیہ گرم ملبوسات لاہور، نارووال، راجن پور اور لیہ میں تقسیم ہونگے۔

تفصیلات کے مطابق پنجاب حکومت نے موسمِ سرما کے پیشِ نظر سرکاری اسکولوں میں بچوں کو گرم مبلوسات تقسیم کرنے کا آغاز کیا ہے اور اس پروگرام کے ایک حصے کے طور پر، طلباء کو سردی کے مہینوں میں گرم رہنے میں مدد کے لیے سویٹر، جیکٹس، جوتے اور یونیفارم فراہم کیے جائیں گے۔

وزیر اعلیٰ کی ہدایت پر شروع کیا گیا یہ منصوبہ محکمہ بیت المال اور محکمہ سماجی بہبود کے تعاون سے شروع کیا جا رہا ہے۔ حکام نے تصدیق کی ہے کہ پروگرام کے لیے اہل اسکولوں کا انتخاب پہلے ہی مکمل کر لیا گیا ہےاور 13 جنوری سے منتخب اسکولوں میں گرم ملبوسات کی تقسیم کا آغاز کیا جائیگا۔

ایک الگ پیش رفت میں، پنجاب سکول ایجوکیشن ڈیپارٹمنٹ نے طلباء کے لیے یکساں قوانین میں عارضی طور پر نرمی کی  اور ایک حالیہ نوٹیفکیشن کے زریعے سرکاری اور نجی دونوں اسکولوں میں طلباء کو کسی بھی قسم کا یا رنگ کا گرم لباس پہننے کی اجازت دی گئی ہے اور طلباء شدید موسم کے پیش نظر جیکٹس، سویٹر، کوٹ، ٹوپی، موزے اور جوتے استعمال کر سکتے ہیں۔

اس فیصلے کا مقصد موسم سرما میں بچوں کے آرام کو یقینی بنانا ہے اور یہ 28 فروری 2025 تک موثر رہے گا۔