اسلام آباد کی عدالت نے خیبر پختونخوا کے وزیرِ اعلیٰ علی امین گنڈا پور کو غیرقانونی اسلحہ اور شراب برآمدگی کے کیس میں گرفتار کر کے پیش کرنے کا حکم دیا ہے۔
جوڈیشل مجسٹریٹ مبشر حسن چشتی کی زیرِ صدارت کیس کی سماعت کے دوران نہ تو وزیرِ اعلیٰ خود عدالت میں پیش ہوئے اور نہ ہی ان کے وکیل راجہ ظہور الحسن آئے۔ اس پر عدالت نے شدید برہمی کا اظہار کرتے ہوئے ایس ایس پی آپریشنز کو علی امین گنڈا پور کی گرفتاری اور پیشی کے احکامات جاری کر دیے۔
عدالت نے وزیرِ اعلیٰ کے مسلسل غیر حاضر رہنے کی بنا پر کیس کی سماعت 21 جنوری تک ملتوی کر دی۔ یاد رہے کہ پچھلے سال نومبر میں اسلام آباد کی عدالت نے علی امین گنڈا پور کو اس کیس میں اشتہاری قرار دیتے ہوئے دیگر ملزمان سے الگ کر دیا تھا۔
کیس میں راجا خرم نواز، فیصل جاوید، راجا راشد حفیظ، واثق قیوم، اور عمر تنویر کے ناقابلِ ضمانت وارنٹ گرفتاری بھی جاری کیے گئے تھے۔ اس دوران ان تمام ملزمان کے وکلا نے حاضری سے استثنیٰ کی درخواستیں دائر کی تھیں، تاہم عدالت نے ان درخواستوں کو مسترد کر دیا تھا۔
By 
