پی ایس ایل 10 ڈرافٹنگ ، ڈیوڈ وارنر کنگز اور ڈیرل مچل قلندرز میں شامل

پاکستان سپر لیگ (پی ایس ایل)  2025 کے  ڈرافٹ کی تقریب لاہور میں جاری ہے۔

فرنچائزز کے مالکان اور ٹیم مینجمنٹ  ڈرافٹ کی تقریب میں شرکت کررہی ہے، لاہور قلندرز کے عاطف رانا، ثمین رانا اور کپتان شاہین شاہ آفریدی بھی ڈرافٹ کی تقریب میں موجود ہیں۔

ڈرافٹ کی تقریب حضوری باغ لاہور، شاہی قلعہ میں منعقد ہورہی ہے جہاں  اولمپئن ارشد ندیم بھی پی ایس ایل ڈرافٹ کی تقریب میں شرکت کررہے ہیں۔

پلیئرز ڈرافٹ کی تقریب میں چھ فرنچائزز اپنے اسٹارز پر مشتمل اسکواڈز کا انتخاب کر رہی ہیں، پی ایس ایل کا تاریخی 10 واں ایڈیشن اس سال 8 اپریل سے 19 مئی کے درمیان منعقد ہوگا جس میں شرکت کیلئے کئی غیرملکی کھلاڑیوں نے رجسٹریشن کرائی ہے۔

لاہور قلندرز نے پلاٹینم کیٹیگری میں ڈیرل مچل کو منتخب کر لیا جبکہ  کراچی کنگز نے پلاٹینم کیٹیگری میں ڈیوڈ وارنر کو منتخب کیا۔

کوئٹہ گلیڈی ایٹرز نے پلاٹینم کیٹیگری میں ٹام کوہلر کیڈ مور کو پک کیا، اس کے علاوہ کوئٹہ نے نیوزی لینڈ کےٹاپ آرڈر بیٹر فن ایلن کو چن لیا۔

یہ بھی پڑھیں : احد رضا میر کا سجل علی سے متعلق چونکا دینے والا اعتراف

پشاور زلمی نے پلاٹینم میں ٹوم کوہلر کیڈ مور رائٹ ٹو میچ کے ذریعے لے لیا،  کوئٹہ گلیڈی ایٹر نے پلاٹینم میں مارک چیپمین کو پک کر لیا، ملتان سلطانز نےپلاٹینم میں مائیکل بریسویل کو منتخب کیا۔

اسلام آباد یونائیٹڈ نے پلاٹینم کیٹیگری میں میتھیو شارٹ کو منتخب کیا، کراچی کنگز نے پلاٹینم کیٹیگری میں نیوزی لینڈ کے فاسٹ بولر ایڈم ملن اور وائلڈ کارڈ پر پلاٹینم کیٹیگری میں عباس آفریدی کو منتخب  کیا۔