پشاور ہائیکورٹ کا علی امین کو تین ہفتوں تک کسی بھی مقدمے میں گرفتار نہ کرنے کا حکم

پشاور ہائیکورٹ نے وزیراعلیٰ خیبر پختونخوا علی امین گنڈاپور کی حفاظتی ضمانت میں 3 ہفتوں کی توسیع کرتے ہوئےدرج مقدمات میں گرفتار نہ کرنے کا حکم دے دیا۔

چیف جسٹس پشاور ہائیکورٹ اشتیاق ابراہیم اور جسٹس وقار احمد نے وزیراعلیٰ خیبرپختونخوا کی حفاظتی ضمانت کی درخواست پر سماعت کی، علی امین گنڈاپور کے وکلاء اور ایڈووکیٹ جنرل خیبرپختونخوا عدالت میں پیش ہوئے۔

یہ بھی پڑھیں : وزارت داخلہ کی جانب سے نادرا موبائل ایپ لانچ کرنے اور  نئے ریجنل دفاتر کے قیام کا فیصلہ

دوران سماعت ایڈووکیٹ جنرل نے عدالت کو بتایا کہ وفاقی حکومت سے مذاکراتی میٹنگ کیلئے وزیر اعلیٰ علی امین گنڈاپور اسلام آباد گئے ہیں، وہ پیش نہیں ہو سکتے، اس لئے ان کی حاضری سے استثنیٰ کی درخواست دائر کی ہے۔

پشاور ہائیکورٹ نے علی امین گنڈاپور کی 3 ہفتوں تک حفاظتی ضمانت منظور کرتے ہوئے سماعت 11 فروری تک ملتوی کر دی۔

عدالت نے درخواست گزار کو کسی بھی درج مقدمے میں گرفتار نہ کرنے کا حکم بھی جاری کیا۔