رمضان المبارک میں عوام کیلئے بڑے ریلیف پیکج کی نوید

حکومت نے رمضان المبارک میں عوام کیلئے بڑے ریلیف پیکج کی نوید سنا دی۔

تفصیلات کے مطابق انہوں نے کہا کہ وزیراعظم رمضان میں عوام کیلئے جلد بڑے پیکج کا اعلان کر یں گے۔ یوٹیلٹی سٹوز کو پرائیویٹ کرنے یا پبلک پرائیویٹ پارٹنر شپ پر چلانے کی طرف جارہے ہیں۔

وفاقی وزیر نے ایک سوال کے جواب میں کہا کہ پی ٹی آئی این آر او کیلئے منتیں کر رہی ہے لیکن پی ٹی آئی سے نہ ڈیل ہوگی ، نہ ڈھیل ہوگی۔ عمران خان اور ان کی اہلیہ کو سزا قانون کے مطابق ملی ہے۔ عمران خان نے اپنی کابینہ کو دھوکہ دے کر تاریخ کی سب سے بڑی کرپشن کی۔

مزید پڑھیں: نجی حج اسکیم کے تحت پرکشش حج پیکج لینے والے ہوشیار، حکومت کا اہم فیصلہ

انہوں نے کہا کہ مذاکرات جمہوریت کا حسن ہیں، ہم چاہتے ہی کہ پی ٹی آئی ایوان میں بیٹھے لیکن اس میں کامیابی نظر نہیں آرہی کیونکہ عمران خان کے خمیر میں ہی مثبت سیاست نہیں ہے۔

انہوں نے مزید کہا کہ کرم ایجنسی کا مسئلہ تشویشناک ہے، اس کا حل نکلنا چاہئے۔ کرم میں امن وامان قائم رکھنا صوبائی حکومت کی ذمہ داری ہے۔ امن و امان برقرار رکھنے کیلئے وفاقی حکومت خیبرپختونخواحکومت کیساتھ مکمل تعاون کو تیار ہے۔

انہوں نے یورپ کشتی حادثے میں پاکستانیوں کی اموات پر دکھ اور افسوس کا اظہار کرتے ہوئے کہا کہ انسانی سمگلنگ پر سخت قوانین بنا رہے ہیں تاکہ آئندہ اس طرح کا افسوسناک حادثہ پیش نہ آئے۔