مرغی کے گوشت کی قیمتوں میں نمایاں اضافہ

پاکستان کے مختلف شہروں میں مرغی کے گوشت اور انڈوں کی قیمتوں میں اتار چڑھاؤ کا سلسلہ جاری ہے۔ لاہور، فیصل آباد اور ملتان میں قیمتوں کے رجحانات مختلف دکھائی دے رہے ہیں جس سے خریدار اور دکاندار دونوں متاثر ہو رہے ہیں۔

لاہور میں مرغی کے گوشت کی قیمت میں ایک دن کی کمی کے بعد پھر اضافہ ریکارڈ کیا گیا ہے۔ آج گوشت کی قیمت میں 7 روپے اضافے کے ساتھ یہ 595 روپے فی کلو تک پہنچ گئی ہے۔ زندہ برائلر مرغی کا تھوک ریٹ 397 روپے جبکہ پرچون ریٹ 411 روپے فی کلو ہو گیا ہے۔ انڈوں کی قیمت 239 روپے فی درجن پر مستحکم ہے۔
ملتان میں زندہ برائلر کی قیمت میں کوئی تبدیلی نہیں ہوئی، جہاں تھوک ریٹ 392 روپے اور پرچون ریٹ 406 روپے فی کلو برقرار ہے۔ تاہم، انڈوں کی قیمت میں 3 روپے کی کمی ہوئی ہے، جس کے بعد یہ 228 روپے فی درجن ہو گئی ہے۔

یہ بھی دیکھیں : پاکستانی آموں کا سب سے بڑا خریدار ملک کونسا ہے؟ فہرست جا نیے

فیصل آباد میں مرغی کے گوشت کی قیمتوں میں نمایاں اضافہ دیکھنے میں آیا۔ زندہ برائلر کا تھوک ریٹ 386 روپے اور پرچون ریٹ 400 روپے فی کلو تک پہنچ چکا ہے۔ برائلر گوشت کی قیمت میں 18 روپے کا اضافہ ہوا ہے، جس کے بعد یہ 580 روپے فی کلو ہو گیا ہے۔