پاکستان سٹاک ایکسچینج میں مندی کا رجحان ، ڈالر کی قیمت میں کمی

پاکستان سٹاک ایکسچینج میں کاروبار کے آغاز پر مندی کا رجحان ہے جبکہ انٹر بینک میں ڈالر کی قیمت میں کمی آئی ہے۔

پاکستان اسٹاک ایکسچینج میں کاروبار کے آغاز میں 100 انڈیکس میں 192 پوائنٹس کی کمی دیکھنے میں آئی، دوران کاروبار 100 انڈیکس کو 1 لاکھ 14ہزار 849 پوائنٹس پر ٹریڈ کرتے دیکھا گیا۔

گزشتہ روز  سٹاک مارکیٹ میں معمولی تیزی کے بعد مندی کا رجحان رہا، جس سے سرمایہ کاروں کو اربوں کا نقصان ہوا، کاروبار کے اختتام پر 802 پوائنٹس کی کمی ہوئی اور100 انڈیکس ایک لاکھ 15 ہزار 42 پوائنٹس کی سطح پر بند ہوا۔

یہ بھی پڑھیں : 190 ملین پاؤنڈ کیس کا فیصلہ آچکا، مفرور ملک ریاض کی حوالگی کیلئے نیب اقدامات کررہا ہے: عطاتارڑ

گزشتہ روز سٹاک مارکیٹ میں 19 ارب 93 کروڑ 21 لاکھ 41 ہزار 649 روپے مالیت کے 33 کروڑ 80 لاکھ 91 ہزار 446 شیئرز کا لین دین ہوا۔

انٹر بینک میں کاروبار کے دوران ڈالر 12پیسے سستا ہوگیا ہے ، انٹر بینک میں ڈالر 278 روپے70 پیسوں کی سطح پرٹریڈ ہو رہا ہے۔