مصطفیٰ ملک کو حکومت میں اہم ذمہ داریاں سونپ دی گئیں

مرکزی سیکرٹری اطلاعات پاکستان مسلم لیگ (ق) کے مصطفیٰ ملک کو حکومت میں اہم ذمہ داریاں سونپ دی گئی ہیں ۔

نجی ٹی وی کے مطابق مصطفیٰ ملک کو وزارت اوورسیز پاکستانیز، ہیومن ریسورس ڈویلپمنٹ کا فوکل پرسن مقرر کر دیا گیا ہے ، مصطفیٰ ملک کی وزارت مذہبی اموروبین المذاہب ہم آہنگی میں فوکل پرسن تقرری عمل میں لائی گئی ہے ۔

یہ بھی پڑھیں:حکومت کیساتھ مذاکرات،جو عمران خان نے کہا وہی پارٹی کا فیصلہ ہے : بیرسٹر گوہر

مصطفیٰ ملک اس وقت مسلم لیگ (ق) کے مرکزی سیکرٹری اطلاعات ہیں، مصطفیٰ ملک وفاقی وزیر چودھری سالک کی وزارتوں میں بطور رابطہ کار اور مشیر خدمات اپنے فر ائض سر انجام دیں گے۔

دونوں وزارتوں کی جانب سے مصطفیٰ ملک کی تعیناتی کے لیے باقاعدہ نوٹیفکیشن بھی جاری کر دیئے گئے ہیں۔ اس حوالے سے وفاقی وزیر برائے مذہبی امور چودھری سالک نے کہا ہے کہ مصطفیٰ ملک کی تقرری سے پارٹی ورکرز کے مسائل حل ہوں گے ۔

مصطفیٰ ملک کی تقرری وزارتی امور میں بھی مدد دے گی۔ چودھری سالک حسین کا کہنا تھا کہ وزارتیں پارٹی اور قوم کی امانت ہیں، ملکی ترقی اور عوام کی خوشحالی کے لیےجدوجہد جاری رکھیں گے۔

یہ بھی پڑھیں:حکومت نے پی ٹی آئی رہنمائوں کو عمران خان سے ملاقات کروانے کی پیشکش کردی

اس موقع پر مصطفیٰ ملک کا کہنا تھا کہ اعتماد کرنے پر چودھری شجاعت حسین اور ان کے بیٹوں کا بے حدمشکور ہوں، میری پوری کوشش ہو گی کہ چودھری شجاعت کا سیاسی رواداری اور حب الوطنی کا مشن آگے بڑھاؤں۔