سابق وفاقی وزیر فواد چوہدری کا کہنا ہے کہ حکومت پی ٹی آئی مذاکراتی کمیٹی کی عمران خان سے ملاقات نہیں کروا سکی جس کی وجہ سے سیاسی کشیدگی ختم نہ ہو سکی۔
تفصیلات کے مطابق سابق وفاقی وزیر فواد چوہدری نے نجی ٹی وی پروگرام میں گفتگو کرتے ہوئے کہا کہ کہ حکومت بانی پی ٹی آئی سے ایک ملاقات نہیں کراسکی، حکومت کو ٹمپریچر نیچے لانا چاہیے تھا لیکن حکومت اس حوالے سے یکسر ناکام رہی۔ انہوں نے کہا کہ مذاکرات میں محمود اچکزئی، مولانا فضل الرحمان کوبھی شامل کرنا چاہیے، تحریک انصاف سٹریٹ پاور کی طرف واپس جائے گی اور گرینڈ آلائنس بنا کراحتجاج کی کال دے گی۔
سابق وفاقی وزیر کا کہنا تھا کہ اس وقت پی ٹی آئی کے1300سے زائد لوگ گرفتارہیں، حکومتی کمیٹی سیاسی کشیدگی کوکم کرنے میں ناکام رہی ہے، پی اے سی کےمعاملے کا مذاکرات سےکوئی تعلق نہیں۔
ایک سوال کے جواب میں فواد چودھری نے کہا کہ پی ٹی آئی میں نئے لوگوں کو نہیں جانتا، بانی پی ٹی آئی کےساتھ ہوں،اس دفعہ پی ٹی آئی گرینڈ سیاسی آلائنس کےساتھ باہر نکلے گی، یہ ملک گیر تحریک ہوگی جس کا کافی اثرہوگا، پی ٹی آئی، جےیوآئی، وکلا کو اکٹھا ہونا ہو گا، مسلسل کوشش ہے کہ معاملات مذاکرات سےحل ہوں۔
آخر میں سابق وفاقی وزیر کا مزید کہنا تھا کہ 8فروری کومعلوم ہوگا جنید اکبرکیسا پرفارم کرتےہیں، عوام اوراداروں میں فاصلے کم ہونےچاہئیں۔
By 
