کرپشن کی تو اللہ کا عذاب نازل ہو، محکمہ صحت خیبرپختونخوا کا ملازمین سے حلف لینے کا فیصلہ

خیبرپختونخوا میں سرکاری ملازمین سے کرپشن نہ کرنے کا حلف لینے کا فیصلہ کیا گیا ہے۔

نجی ٹی وی کے مطابق محکمہ صحت خیبرپختونخوا کی جانب سے صوبے میں 37 ڈی ایچ اوز سے کرپشن نہ کرنے کا حلف لینے کا فیصلہ کیا گیا ہے۔

تمام ڈی ایچ اوزکے عملے کو مشیر صحت کے دفتر میں بلایا جائے گا اور ڈی ایچ اوز کو تحریری حلف نامے دیے جائیں گے۔

خیبرپختونخوا ، رمضان میں ہر حلقے میں 5 ہزار خاندانوں کو 10 ہزار دینے کا فیصلہ

ڈی ایچ اوز اور عملے سے حلف لیاجائے گا کہ انہوں نے کرپشن کی تو ان پراللہ کا عذاب نازل ہو، ڈی ایچ اوز سے قوم کے پیسے ذاتی مفاد کیلئے استعمال نہ کرنے، محنت سے کام کرنے اورشعبہ صحت کو مزید بہتربنانے کاحلف لیا جائے گا۔

اس بارے میں صوبائی مشیر صحت احتشام علی نے تصدیق کرتے ہوئے کہا کہ کرپشن کے خاتمے اور شعبہ صحت میں بہتری کے لیے ڈی ایچ اوز سے حلف لیا جائے گا اور شکایت کی صورت میں اگر کرپشن ثابت ہوئی تو کارروائی عمل میں لائی جائے گی۔