تین ماہ میں چینی کی فی کلو قیمت میں بڑا اضافہ ہو گیا

رمضان سے قبل تین ماہ کے دوران چینی کی فی کلو قیمت میں 15 روپے کا اضافہ ہو گیا ہے۔

اکتوبر 2024 میں چینی کی فی کلو اوسط قیمت 135 روپے تھی جبکہ نئے سال کے پہلے ماہ چینی کی اوسط قیمت 150 روپے کلو سے بڑھ گئی ہے۔

9 اشیاء مہنگی ، 16 سستی جبکہ 26 کی قیمتوں میں استحکام رہا، ادارہ شماریات

ذرائع کے مطابق چینی کی برآمد کی اجازت کے بعد چینی کی قیمتوں میں اضافہ ہوا ہے،وزیر خزانہ محمد اورنگزیب نے میڈیا سے غیر رسمی بات چیت کرتے ہوئے کہا کہ ای سی سی اجلاس میں چینی کی بڑھتی قیمتوں پر غور کریں گے۔

ان کا کہنا تھا کہ چینی سمیت اشیا ضروریہ کی قیمتوں میں کمی کے لیے اقدامات کررہے ہیں، ماہانہ بنیادوں پر اشیا ضروریہ کی قیمتوں کا جائزہ لے رہے ہیں۔