اسلام آباد، سپریم کورٹ کے جسٹس عقیل عباسی نے کہاہے کہ جج کا ایمان دار ہونا بنیادی جزو ہے۔
فیڈرل جوڈیشل اکیڈمی میں تقریب سے خطاب میں انہوں نے کہا کہ ضلعی عدلیہ پر فراہمی انصاف کی بھاری ذمہ داری ہے،کوئی بے گناہ جیل میں ہو تو عذاب الٰہی قریب تر ہوتا ہے، ججوں کو کسی کے بے گناہ جیل میں ہونے کو ہلکا نہیں لینا چاہئے۔
جسٹس عقیل عباسی نے کہاکہ تمام ججوں کو معلوم ہے کہ جیلوں میں کیا ہوتا ہے، تمام ججوں کو اللہ تعالی کے ہاں پیش ہو کر جواب دہ ہونا ہے۔
ان کا کہنا تھا کہ ججوں کیلئے ایمان دار ہونا بنیادی جزو ہے، جج یا جج ہو سکتا ہے یا بے ایمان، کوئی بے ایمان ہو تو وہ جج نہیں ہوسکتا، اللہ کا خوف دل میں رکھیں اور دیانت داری سے فیصلے کریں۔
انہوں نے کہاکہ خدا کے واسطے انصاف کو نہ بگاڑیں، اگر جج بھی انصاف نہیں کریں گے تو کون کرے گا۔
By 
