بانی پی ٹی آئی عمران خان سے ملاقاتوں پر پابندی سے متعلق عظمیٰ بخاری کا بیرسٹر سیف کے بیان پر ردعمل آگیا۔
تفصیلات کے مطابق صوبائی وزیر اطلاعات عظمیٰ بخاری کا کہنا ہے کہ حکومت پنجاب نے بانی تحریک انصاف پر ملاقاتوں پر کوئی پابندی عائد نہیں کی ۔ بانی پی ٹی آئی کا پورا خاندان ، وکلاء اور پارٹی رہنماعمران خان سے ملاقاتیں کر رہے ہیں، یہ لوگ جیل کو تفریحی مقام سمجھتے ہیں، یہ چاہتے ہیں کہ جیل میں کوئی ان سے نہ پوچھے کہ جب جس کا دل چاہے منہ اٹھا کر چلا آئے۔
ان خیالات کا اظہار انہوں نے بیرسٹر سیف کے بیان پر ردعمل دیتے ہوئے کیا۔ انہوں نے کہا کہ جب تحریک فساد کے پاس کوئی کارڈ نہیں بچتا تو مظلومیت کار ڈکھیلنا شروع کر دیتی ہے۔ ان کو خط لکھنے سے نہ کوئی ڈیل ملی ہے اور نہ ہی ملے گی۔ انتشاری ٹولے کی جانب سے جن کو خط لکھے جا رہے ہیں انہی کے خلاف پروپپگنڈا مہم چلاتے ہیں۔
وزیر اطلاعات نے مزید کہا کہ تحریک انصاف کے 50لوگوں نے لندن میں آرمی چیف کی آمد پر احتجاج کر کے غیر ملکی ایجنسیوں کا ایجنڈا پورا کیا ہے۔ جو جماعت اوورسیز پاکستانیوں کی حمایت کا دعویٰ کرتی ہے ان کی ہر کال کو اوورسیز نے مستردکیا ہے۔نواز شریف اور مریم نواز پر بات کئےبغیر آج بھی تحریک فساد کی سیاست مکمل نہیں ہوتی۔
By 
