پاکستان اور بنگلہ دیش کے درمیان 1971 کے بعد پہلی مرتبہ براہ راست تجارت کا آغاز

پاکستان اور بنگلہ دیش کے درمیان1971 کے بعد پہلی مرتبہ براہ راست تجارت کا آغاز کر دیا، چاول کی کھیپ لے جانے والا پہلا حکومتی منظور شدہ کارگو آج پورٹ قاسم سے روانہ ہو گیا۔

یہ بھی پڑھیں:پاکستان اور بنگلہ دیش کے درمیان 15 ارب ڈالر تک کی تجارت کے روشن امکانات ہیں، وزیر تجارت جام کمال

 میڈیا رپورٹ  کے مطابق پاکستان اور بنگلہ دیش نے 1971 کی علیحدگی کے بعد پہلی بار سرکاری سطح پر براہ راست تجارت کا دوبارہ آغاز کیا ہے، پہلی بار حکومت کی جانب سے منظور شدہ کارگو پورٹ قاسم سے روانہ ہوا ہے۔

پاکستان اور بنگلہ دیش کے درمیان دوطرفہ تجارتی تعلقات میں یہ ایک اہم تاریخی پیش رفت ہے کیونکہ بنگلہ دیش نے ٹریڈنگ کارپوریشن آف پاکستان (ٹی سی پی) کے ذریعے پہلی بار 50 ہزار ٹن پاکستانی چاول خریدنے پر رضامندی ظاہر کی ہے۔ معاہدے کو فروری کے اوائل میں حتمی شکل دی گئی تھی۔

مزید پڑھیں:پاکستان اور بنگلہ دیش کے درمیان تعلقات میں خوشگوار تبدیلی

میڈیا رپورٹ کے مطابق چاول کی کھیپ 2 مرحلوں میں فراہم کی جائے گی، جس میں 25,000 ٹن کی پہلی کھیپ اتوار کو بنگلہ دیش جا رہی ہے۔

 دوسری کھیپ مارچ کے اوائل میں روانہ ہونے والی ہے۔ توقع ہے کہ اس تجارتی معاہدے سے دونوں ممالک کے درمیان اقتصادی تعلقات مزید مضبوط ہوں گے اور براہ راست جہاز رانی کے راستوں میں آسانی ہوگی۔

یہ بھی پڑھیں:بنگلہ دیش نے پاکستانیوں کیلئے ویزا شرائط نرم کر دیں، ایک اور سہولت بھی دے دی

پاکستان نیشنل شپنگ کارپوریشن (پی این ایس سی) کا بحری جہاز پہلی بار بنگلہ دیش کی بندرگاہ پر لنگر انداز ہوگا جو بحری تجارتی تعلقات میں ایک اہم سنگ میل ثابت ہوگا۔ اس پیش رفت کو اقتصادی تعاون کو فروغ دینے اور دہائیوں سے غیر فعال تجارتی چینلز کو دوبارہ کھولنے میں ایک مثبت قدم کے طور پر دیکھا جا رہا ہے۔