’امریکی ویزا حاصل کرنا ہوا مشکل‘، نئی ٹرمپ امیگریشن پالیسی سامنے آگئی

امریکی صدر ڈونالڈ ٹرمپ نے نئی امیگریشن پالیسی کا اعلان کرتے ہوئے ’گولڈ کارڈ‘  ویزا پروگرام کی تجویز پیش کی ہے، جس کے لیے 50 لاکھ امریکی ڈالر ادا کرنا ہوں گے، یہ ’ٹرمپ گولڈ کارڈ‘ غیر ملکی سرمایہ کاروں کے لیے امریکا میں رہائش اور شہریت کا راستہ ہموار کرےگا۔

یہ بھی پڑھیں:واشنگٹن: ٹرمپ انتظامیہ کی غیر قانونی بھارتی تارکین وطن کی ملک بدری کا آغاز

منگل کو پالیسی کا اعلان کرتے ہوئے امریکی صدر ڈونلڈ ٹرمپ نے کہا کہ یہ اقدام 2 ہفتوں کے اندر شروع کیا جائے گا اور توقع ہے کہ یہ موجودہ ای بی-5 سرمایہ کار ویزا پروگرام کی جگہ لے گا۔

ڈونلڈ ٹرمپ کے اعلان کردہ اس منصوبے کی مکمل تفصیلات اور اس پر عمل درآمد ابھی تک واضح نہیں ہے، لیکن ٹرمپ نے اشارہ دیا ہے کہ اس اقدام کو کانگریس کی منظوری کی ضرورت نہیں ہوگی۔

 

View this post on Instagram

 

A post shared by RAGE X | Global Intel (@rageintel)

ڈونلڈ ٹرمپ نے اوول آفس میں وزیر تجارت ہاورڈ لوٹنک کے ساتھ ایگزیکٹو آرڈرز پر دستخط کرتے ہوئے کہاکہ ’ہم ایک ’گولڈ کارڈ‘ فروخت کرنے جا رہے ہیں۔’ہم اس کارڈ پر تقریباً 5 ملین ڈالر کی قیمت لگا رہے ہیں اور اس سے آپ کو گرین کارڈ جیسی مراعات ملیں گی‘۔

مزید پڑھیں:نو منتخب امریکی صدر ڈونلڈ ٹرمپ کا حلف اٹھاتے ہی بڑا حکم جاری کرنے کا منصوبہ

ہاورڈ لوٹنک نے تصدیق کی کہ امریکا کا ’گولڈ کارڈ‘ حاصل کرنے کے لیے صارفین کو براہ راست امریکی حکومت کو فیس ادا کرنا ہوگی۔ انہوں نے کہا کہ ’ مضحکہ خیز ای بی-5 پروگرام کو ختم کرنے جا رہے ہیں اور اس کی جگہ ٹرمپ گولڈ کارڈ لے آر رہے ہیں۔

انہوں نے مزید کہا کہ درخواست دہندگان کو اب بھی جانچ پڑتال سے گزرنا پڑے گا تاکہ یہ یقینی بنایا جا سکے کہ وہ ’حیرت انگیز، عالمی معیار کے غیر ملکی شہری ہیں۔ لوٹنک نے مزید کہا کہ پروگرام سے حاصل ہونے والے فنڈز وفاقی خسارے کو کم کرنے کے لیے استعمال کیے جائیں گے۔

یہ بھی پڑھیں:جنوری 2025 تک پاسپورٹ کی فیسوں میں کوئی اضافہ نہیں کیا گیا، ڈائریکٹوریٹ جنرل آف امیگریشن اینڈ پاسپورٹس

یہ اعلان ایسے وقت میں سامنے آیا ہے جب ٹرمپ اپنی دوسری مدت میں امیگریشن کی سخت پالیسیوں پر عمل درآمد جاری رکھے ہوئے ہیں اور جنوبی سرحد کو محفوظ بناتے ہوئے امریکی تاریخ کی سب سے بڑی ملک بدری کی کوشش کر رہے ہیں۔

انہوں نے کینیڈا اور میکسیکو کو بھی دھمکی دی ہے کہ اگر وہ فینٹانل، دیگر غیر قانونی منشیات اور امریکا میں غیر قانونی تارکین وطن کے بہاؤ کے خلاف سخت کارروائی نہیں کرتے ہیں تو وہ محصولات عائد کریں گے۔