سنگجانی جلسہ اور توڑ پھوڑ کے مقدمات میں اسد قیصر کی عبوری ضمانت میں توسیع کر دی گئی

انسداد دہشت گردی عدالت نے پی ٹی آئی کے سنگجانی جلسہ اور توڑپھوڑپر درج مقدمات میں سابق سپیکرقومی اسمبلی اسد قیصر کی عبوری ضمانت میں15 اپریل تک توسیع کردی ۔

اسد قیصر کی ضمانت کی درخواست پر سماعت انسداددہشت گردی عدالت کے جج ابوالحسنات ذوالقرنین نے کی، اس موقع پر اسد قیصر کی وکیل عائشہ خالد عدالت پیش ہوئیں۔ سماعت شروع ہوئی تو پی ٹی آئی رہنما کی طرف سے حاضری معافی کی درخواست دائر کی گئی جو عدالت نے فوری طور پر منظور کرلی۔

یہ بھی پڑھیں:عمران خان نے رمضان کے بعد بھرپور تحریک چلانے کی ہدایت کی ہے ، فیصل چوہدری

بعدازاں کورٹ نے سابق سپیکر کی عبوری ضمانت میں 15 اپریل تک توسیع کردی اور دلائل طلب کرتے ہوئے درخواست ضمانت پر مزید سماعت 15 اپریل2025تک ملتوی کردی۔