افغانستان سے بات چیت کیلئے وفاق ٹی او آرز جلد منظور کرے:بیرسٹر سیف

خیبرپختونخوا کابینہ نے مطالبہ کیا ہے کہ وفاق ٹی او آرز جلد از جلد منظورکرے ۔

نجی ٹی وی کے مطابق اکوڑہ خٹک دارالعلوم حقانیہ میں دھماکے کے بعد کے پی کے حکومت کے مشیر بیرسٹر ڈاکٹر سیف نے اپنے بیان میں کہا ہے کہ وفاق افغانستان سے بات چیت کے لیے صوبائی حکومت کے ٹی او آرز منظو ر کرنے میں تاخیر سے گریز کرے۔

یہ بھی پڑھیں:خیبرپختونخوا کی معاشی صورتحال تینوں صوبوں سے بہتر ہے : وزیراعلیٰ کے پی کے

انہوں نے کہا کہ خیبر پختونخوا حکومت ہنگامی بنیادوں پر اپنا وفد افغانستان بھیجنا چاہتی ہے ، عوام کے جان و مال کی حفاظت خیبر پختونخوا حکومت کی اولین ترجیح اور ذمہ داری میں شامل ہے، وفاقی کابینہ صوبے میں دہشتگردی کو کنٹرول کرنے کے بجائے اس اہم مسئلے پر سیاست کرنے سے باز آئے ۔

ان کا کہنا تھا کہ وفاق کو پنجاب اور سندھ کے وزرائے اعلیٰ کے بیرونی دوروں پر کوئی اعتراض نہیں، مریم نواز بھارت سے اسموگ ڈپلومیسی کر سکتی ہیں تو دہشت گردی جیسے اہم مسئلے پر خیبرپختونخوا حکومت کی افغانستان سے بات چیت میں کیا حرج ہے؟ ۔ بیرسٹر سیف نے مزید کہا کہ وفاق کی اس دوغلی پالیسی سے صوبے کی احساس محرومی دن بدن بڑھ رہی ہے۔

یہ بھی پڑھیں:مضاربہ آرڈیننس میں ترامیم کی منظوری، ٹربیونل تحلیل کرنے کا فیصلہ

واضح رہے کہ چند روز قبل ضلع نوشہرہ میں واقع مدرسہ دارالعلوم حقانیہ اکوڑہ خٹک خودکش حملے میں جے یو آئی (س) کے سربراہ اور مدرسے کے نائب مہتمم مولانا حامد الحق حقانی سمیت 6 افراد شہید اور 12 زخمی ہوگئے تھے۔