بھارت میں گزشتہ کئی دہائیوں سے سکھوں کو ان کے بنیادی مذہبی، سیاسی اور سماجی حقوق سے محروم رکھا جا رہا ہے اور حال ہی میں سکھ رہنماؤں نے بھارت کے وزیر خارجہ ایس جے شنکر کی برطانیہ آمد کے دوران شدید احتجاجی مظاہرہ کیا۔
تفصیلات کے مطابق سکھ کمیونٹی کو بھارت میں جاری مصائب کے پیشِ نظر لندن میں سکھ کمیونٹی اور رہنماؤں نے بھارت کے وزیر خارجہ ایس جے شنکر کی برطانیہ آمد کے دوران شدید احتجاجی مظاہرہ کیا۔ بھارتی وزیرِ خارجہ جے شنکر کی لندن میں 6 مارچ کی شب آمد پر سکھوں نے جے شنکر کو آڑے ہاتھوں لیا اورایک سکھ رہنما جے شنکر کی گاڑی کی طرف دوڑتے ہوئے بھارتی پرچم پھاڑ کر شدید غصے کا اظہار کیا۔
یہ واقعہ جے شنکر کے سرکاری دورہِ برطانیہ کے دوران پیش آیا اور اس دوران سکھوں نے مودی اور بھارتی حکومت کے خلاف شدید نعرے بازی کی۔ تحریک خالصتان کے حامی مظاہرین نے جے شنکر کی برطانوی وزیراعظم اور فارن سیکٹری سے ملاقات کو تنقید کا نشانہ بنایا اوربرطانیہ میں جے شنکر کی موجودگی کے دوران سکھوں نے مودی کی پالیسیوں اور بھارتی حکومت کے اقدامات کی شدید مذمت کی۔
اس سے قبل جے شنکر کو واشنگٹن دورے کے دوران بھی سکھ رہنماؤں کی جانب سے ذلت آمیز رویے کا نشانہ بنایا گیا اور
احتجاج میں شریک سکھ رہنماؤں کا کہنا تھا کہ جے شنکر بھارت کے عالمی جاسوسی نیٹ ورک کو چلا رہا ہے۔ مظاہرین نے مطالبہ کیا کہ بھارتی وزیر خارجہ جے شنکر کے سکھوں کے خلاف شرانگیز اقدامات پر عالمی سطح پر پابندیاں عائد کی جائیں۔
By 
