سرکاری ملازمین کو عید پر کتنی چھٹیاں ملنے کا امکان؟

پاکستان میں عید الفطر کے موقع پر سرکاری ملازمین کو طویل چھٹیاں ملنے کا امکان ہے، تاہم اس کی حتمی تصدیق حکومت کی جانب سے کی جائے گی۔

رویت ہلال کمیٹی کے مطابق رمضان المبارک 29 دن تک جاری رہنے کی توقع ہے اور عید الفطر 31 مارچ 2025 کو منائی جائے گی۔ کمیٹی نے یہ بھی بتایا ہے کہ پاکستان کے بیشتر علاقوں میں 30 مارچ کی شام کو عید کا چاند نظر آنے کا امکان ہے، جس کی عمر 26 گھنٹے ہوگی، اس لیے چاند نظر آنے کے امکانات زیادہ ہیں۔

عام طور پر عید کی چھٹیاں عید سے ایک دن قبل شروع ہوتی ہیں، اور اگر عید الفطر 31 مارچ بروز پیر کو ہو، تو عید کی تعطیلات پیر سے شروع ہوں گی۔ چونکہ ہفتہ اور اتوار پہلے ہی تعطیلات ہوتے ہیں، اس لیے یہ ایک طویل ویک اینڈ فراہم کرے گا، جس سے سرکاری ملازمین کو پانچ دن کی چھٹی ملے گی۔

اگر رمضان 30 دن کا ہو جائے تو عید کی چھٹیاں مزید ایک دن بڑھ سکتی ہیں، اس کا مطلب ہے کہ سرکاری ملازمین عید الفطر کے موقع پر چھ دن کی تعطیلات سے لطف اندوز ہو سکیں گے۔