وفاقی کابینہ کے ارکان کے قلمدانوں کا اعلان

اسلام آباد: وفاقی کابینہ کے ارکان کے قلمدانوں کا اعلان کر دیا گیا ہے جس میں مختلف وزیروں کو نئی وزارتیں سونپی گئی ہیں۔ ان تبدیلیوں کے تحت وفاقی کابینہ کے ارکان کو اہم ذمہ داریاں دی گئی ہیں۔

نوٹیفکیشن کے مطابق طلال چوہدری کو وزیر مملکت برائے داخلہ و نارکوٹکس کا قلمدان سونپ دیا گیا ہے۔ وہ اب ملک میں داخلہ اور منشیات کے حوالے سے اہم فیصلوں کے ذمہ دار ہوں گے۔ اسی طرح مختار احمد برتھ کو وزیر مملکت برائے صحت و ریگولیشنز کا قلمدان دیا گیا ہے، اور انہیں صحت کے نظام اور متعلقہ ریگولیٹری امور کی نگرانی کرنی ہوگی۔

عون چوہدری کو اوورسیز پاکستانی اور ہیومن ریسورس ڈیویلپمنٹ کا وزیر مملکت بنایا گیا ہے، ان کی ذمہ داریوں میں بیرون ملک پاکستانیوں کی فلاح و بہبود اور انسانی وسائل کی ترقی شامل ہوگی۔ مصطفی کمال کو نیشنل ہیلتھ سروسز اینڈ ریگولیشنز کا قلمدان سونپ دیا گیا ہے، اور انہیں صحت کے شعبے میں اصلاحات اور نیشنل ہیلتھ پالیسی کے نفاذ کی نگرانی کرنی ہوگی۔

شزہ فاطمہ خواجہ کو آئی ٹی اور ٹیلی کام کا وفاقی وزیر مقرر کیا گیا ہے، اور ان کا کردار ٹیکنالوجی کے شعبے میں اصلاحات اور ٹیلی کمیونیکیشن پالیسیوں کی تشکیل ہوگا۔ سردار محمد یوسف کو وزارت مذہبی امور اور بین الاقوامی ہم آہنگی کا قلمدان سونپ دیا گیا ہے، اور ان کا کام مذہبی امور کے حوالے سے پالیسیوں کی تیاری اور بین الاقوامی سطح پر ہم آہنگی کو فروغ دینا ہوگا۔ خالد حسین مگسی کو سائنس اینڈ ٹیکنالوجی، محمد حنیف عباسی کو ریلویز، اور معین وٹو کو آبی وسائل کی وزارت سونپی گئی ہے، جنہیں اپنے اپنے شعبوں میں اصلاحات اور ترقی کی نگرانی کرنی ہوگی۔

محمد جنید انوار چوہدری کو میری ٹائم افئیرز کا وفاقی وزیر بنایا گیا ہے، جبکہ علی پرویز ملک کو پیٹرولیم، اور اورنگزیب خان کھچی کو نیشنل ہیریٹج اینڈ کلچر کی وزارت سونپی گئی ہے۔

طارق فضل چوہدری کو پارلیمنٹری افئیرز کا وزیر مقرر کیا گیا ہے۔ ملک رشید احمد خان کو وزیر مملکت برائے قومی غذائی تحفظ، اور عبد الرحمان کانجو کو وزیر مملکت برائے توانائی بنایا گیا ہے۔ عقیل ملک وزیر مملکت برائے قانون و انصاف ہوں گے، جبکہ بلال اظہر کیانی وزیر مملکت برائے ریلویز ہوں گے۔ کیسوں مل کھیہل داس وزیر مملکت برائے مذہبی امور، اور عون ثقلین وزیر مملکت برائے اوورسیز پاکستانی ہوں گے۔

مختار احمد ملک وزیر مملکت برائے قومی صحت ہوں گے، اور طلال چوہدری وزیر مملکت برائے داخلہ و انسداد منشیات ہوں گے۔ وجیہا قمر کو وزیر مملکت برائے تعلیم کا قلمدان سونپ دیا گیا ہے۔

اس کے علاوہ وزارتوں میں کچھ اہم تبدیلیاں بھی کی گئی ہیں۔ ڈاکٹر مصدق ملک سے پیٹرولیم ڈویژن کا چارج واپس لے لیا گیا ہے اور انہیں وفاقی وزیر برائے موسمیاتی تبدیلی کا قلمدان سونپ دیا گیا ہے۔

قیصر احمد شیخ سے بحری امور کا چارج واپس لے لیا گیا ہے اور انہیں وزارت سرمایہ کاری بورڈ کا وفاقی وزیر بنا دیا گیا ہے۔ عبد العلیم خان سے سرمایہ کاری بورڈ اور نجکاری کے قلمدان واپس لے لئے گئے ہیں۔