وفاقی وزیر چودھری سالک حسین نے اوورسیز پاکستانیوں کے پاسپورٹ بلاک ہونے پر نوٹس لے لیا

اوورسیز پاکستانیوں کے پاسپورٹ بلاک ہونے کا معاملہ ، وفاقی وزیر برائے سمندر پار پاکستانی چودھری سالک حسین نے نوٹس لے لیا ۔

تفصیلات کے مطابق پاکستان بزنس فورم فرانس نے اوور سیز کے پاسپورٹ بلاک ہونے کا معاملہ وفاقی وزیر چودھری سالک حسین کے سامنے اٹھایا تھا جس کا وفاقی وزیر نے فوری طور پر نوٹس لیتے ہوئے وزارت داخلہ کو خط لکھ دیا۔

یہ بھی پڑھیں:وزیراعلیٰ پنجاب مریم نواز کیخلاف فیس بک پر تنقید کرنیوالے ڈاکٹر کیخلاف مقدمہ درج

چودھری سالک حسین نے کہا کہ یہ مسئلہ انتہائی نازک ہے، معاملے کی فی الفور انکوائری کی جائے،سمندر پار پاکستانی ہمارا قیمتی سرمایہ ہیں، انہیں بے جاتنگ نہ کیا جائے۔

یہ بھی پڑھیں:تمام عازمین حج کو زیادہ سے زیادہ ایک لاکھ روپے واپس کئے جائیں گے، وزیر مذہبی امور چوہدری سالک حسین

انہوں نے مزید کہا کہ سمندر پار پاکستانیوں سے زیادتی کسی صورت برداشت نہیں کروں گا۔ ائیرپورٹس پر سمندرپار اوورسیزکو سہولیات فراہمی کے لئےڈیسک بنائیں گے۔