کے الیکٹرک صارفین کے لئے بجلی کی فی یونٹ قیمت میں مزید کمی کا امکان

کے الیکٹرک صارفین کے لئے بجلی کی فی یونٹ قیمت میں مزید 4 روپے 84 پیسے کمی کا امکان ہے۔

نجی ٹی وی کے مطابق کے الیکٹرک نے جنوری 2025 کے لئے ماہانہ فیول ایڈجسٹمنٹ کی مد میں فی یونٹ کمی کے لئے نیپرا میں درخواست جمع کرا دی ہے۔

نئے سولر صارفین سے خریدی جانے والی بجلی کی فی یونٹ قیمت کتنی کم ہو گی؟ اہم فیصلہ

 درخواست منظور ہونے کی صورت میں کراچی کے صارفین کو 4 روپے 84 پیسے فی یونٹ ریلیف ملنے کا امکان ہے۔ درخواست پر نیپرا 20 مارچ 2025 کو سماعت کرے گا، جس کے بعد فیصلہ ہو گا۔

کے الیکٹرک کے ترجمان کے مطابق یہ مسلسل پانچواں موقع ہے جب کے الیکٹرک کے صارفین کو فیول چارج ایڈجسٹمنٹ کے تحت ریلیف دیا جائے گا۔