سولر پینلز کی قیمتوں میں نمایاں کمی آنا شروع ہو گئی

وفاقی حکومت کی جانب سے نیٹ میٹرنگ پالیسی میں ترمیم کے باعث سولر پینلز کی قیمتوں میں نمایاں کمی آنا شروع ہوگئی۔

تفصیلات کے مطابق سولر پینلز کی قیمت میں فی واٹ 2 روپے کی کمی ہوئی ہے، جس سے سولر سسٹمز کی تنصیب کی لاگت میں بھی کمی آئی ہے۔

مزید پڑھیں: وزیراعظم جلد بجلی کے ریلیف پیکج کا اعلان کریں گے: وفاقی وزیر پٹرولیم علی پرویز ملک

اب پانچ کلوواٹ کے سسٹم کی قیمت پانچ لاکھ پچاس ہزار روپے مقرر ہوگئی ہے جبکہ سات کلوواٹ سسٹم کی قیمت چھ لاکھ پچیس ہزار روپے تک آ گئی ہے۔

اسی طرح دس کلوواٹ سسٹم کی قیمت آٹھ لاکھ پچاس ہزار روپے تک گر گئی ہے اور بارہ کلوواٹ سسٹم کے لئے قیمت نو لاکھ پچھتر ہزار روپے ہو گئی ہے۔ پندرہ کلوواٹ سسٹم کی قیمت گیارہ لاکھ پچاس ہزار روپے مقرر کی گئی ہے۔

یہ قیمتیں صرف آن گرڈ سسٹمز کے لیے ہیںجبکہ ہائیبرڈ سسٹمز کے لیے بیٹریوں کی اضافی قیمت ادا کرنا ہوگی۔