وفاقی وزیر پٹرولیم علی پرویز ملک نے کہا کہ حکومت عوام کو ہر ممکن ریلیف فراہم کرنے کے لئے پُرعزم ہے۔
لاہور میں میڈیا سے گفتگو کرتے ہوئےعلی پرویز ملک نے کہا کہ وزیراعظم میاں محمدشہباز شریف ملکی ترقی اور عوام کی خوشحالی کیلئے انتھک محنت کر رہے ہیں، انہوں نے کہا کہ وزیراعظم نے کامیابی سے ملک کو ڈیفالٹ سے بچایا۔
انہوں نےکہا کہ وزیراعظم جلد ہی بجلی کی قیمتوں میں کمی کرکے بجلی صارفین کے لیے ایک جامع ریلیف پیکج پیش کریں گے۔ صحافی کے ایک سوال کے جواب میں انہوں نے کہا کہ آئی ایم ایف نے پاکستان کی معاشی پالیسیوں پر اعتماد کا اظہار کیا ہے۔
علی پرویز ملک نے کہا کہ سکیورٹی فورسز کے جوان مادر وطن کے دفاع کے لیے بے شمار قربانیاں دے رہے ہیں۔انہوں نے کہا کہ ملک کی ترقی کے لیے سب کو مل جل کر کام کرنا ہو گا۔
By 
