پنجاب حکومت نے پاکستان تحریک انصاف کو 22 مارچ کو مینارِ پاکستان پر جلسہ کرنے کی اجازت نہ دینے کا فیصلہ کرلیا۔
تفصیلات کے مطابق پنجاب حکومت کی جانب سے ممکنہ دہشتگردی کے خطرے کے پیش نظر پی ٹی آئی کو مینارِ پاکستان لاہور پر جلسے کی اجازت نہ دینے کا فیصلہ کیا۔ اس حوالے سے پنجاب حکومت کل لاہور ہائیکورٹ میں جلسے کی اجازت نہ دینے کے متعلق جواب جمع کروائے گی۔ چیف سیکرٹری، آئی جی پنجاب، ہوم سیکرٹری کمشنر سمیت دیگر کی جانب سے جواب جمع کروایا جائیگا۔
لاہور ہائیکورٹ کے جسٹس فاروق حیدر کل پی ٹی آئی رہنما اکمل خان کی درخواست پر سماعت کریں گے۔ پنجاب حکومت کی جانب سے اسسٹنٹ ایڈووکیٹ جنرل محمد ادریس رفیق بھٹی پیش ہوں گے۔
واضح رہے کہ پاکستان تحریک انصاف نے 22مارچ کو مینارِ پاکستان پر جلسے کی اجازت کیلئے لاہور ہائیکورٹ سے رجوع کر رکھا ہے۔
By 
