پاکستان نیشنل سیونگز نے قومی بچت اسکیموں پر منافع کی شرح میں اضافہ کردیا۔
نئی شرح کے مطابق شارٹ ٹرم سیونگ سرٹیفکیٹ کا منافع 10.81 فیصد سے بڑھا کر 10.96 فیصد کر دیا گیا ہے۔ ڈیفنس سیونگ سرٹیفکیٹ کی شرح 12.15 فیصد تک پہنچ گئی ہے۔
بہبود سیونگ سرٹیفکیٹ، پنشنر بینیفٹ اکاؤنٹ اور شہداء فیملی ویلفیئر اکاؤنٹ کی شرح 13.68 فیصد ہو گئی ہے۔ سروا اسلامک ٹرم اکاؤنٹ اور سروا اسلامک سیونگ اکاؤنٹ پر منافع 10.44 فیصد تک بڑھایا گیا ہے۔
سیونگ اکاؤنٹ ریٹ پر ریٹرن میں 100 بیسس پوائنٹس کمی کرتے ہوئے نئی شرح 10.5 فیصد مقرر کی گئی ہے۔ واضح رہے کہ اسٹیٹ بینک کی مانیٹری پالیسی کمیٹی نے پالیسی ریٹ 12 فیصد پر برقرار رکھنے کا اعلان کیا ہے۔
By 
