پاکستان ریلویز نے عیدالفطر کے موقع پر کرایوں میں 20 فیصد کمی کر دی ہے، یہ رعایت عید الفطر کے پہلے 3 دنوں میں تمام میل، ایکسپریس اور انٹرسٹی ٹرینوں کے سفرپر دی گئی ہے۔
پاکستان ریلوے کی جانب سے جاری نوٹیفکیشن کے مطابق عید الفطر کے پہلے 3 دنوں میں تمام میل، ایکسپریس اور انٹرسٹی ٹرینوں کے ٹکٹس پر 20 فیصد رعایت دی گئی ہے جو 3 دن تک برقرار رہے گی۔ تاہم پاکستان ریلویز نے واضح کیا ہے کہ محکمہ کی جانب سے یہ ڈسکاؤنٹ صرف عید کے مخصوص دنوں کے لیے دی جارہی ہے اس کے بعد ریل کے ٹکٹس کی سابقہ قیمتیں بحال کر دی جائیں گی۔
نوٹیفکیشن کے مطابق کرایوں میں کمی کا اطلاق عیدالفطر کے پہلے 3 دن کی مدت کے دوران کی گئی ایڈوانس بکنگ پر بھی ہوگا، جس سے مسافروں کو مزید آسانی میسر آئے گی۔ تاہم یہ بات قابل ذکر ہے کہ اس رعایت کا اطلاق عید کی خصوصی ٹرینوں پر نہیں ہوگا۔
پاکستان ریلویز نے تمام بکنگ دفاتر کو ہدایت کی ہے کہ وہ اس رعایت پر سختی سے عمل درآمد کریں تاکہ عید کے تہوار کے دوران مسافر کرایوں میں کمی کا بھرپور فائدہ اٹھا سکیں۔
By 
