پی ایس ایل 10 کا آفیشل ترانہ ، علی ظفر آواز کا جادو جگائیں گے

پی ایس ایل 10 کے ترانے میں کون آواز کا جادو جگائے گا؟ پی سی بی نے گلوکار کا اعلان کر دیا۔

 اس سال پاکستان سپر لیگ سیزن 10 کا آغاز 11 اپریل سے ہورہاہے جو 18 مئی تک کراچی، لاہور، ملتان اور راولپنڈی میں جاری رہے گا۔

 پی ایس ایل 10 کے آفیشل ترانے  میں اس سال بھی معروف گلوکار علی ظفر آواز کا جادو جگائیں گے۔

پی ایس ایل کے آفیشل انسٹاگرام اکاؤنٹ پر سیزن 10 کے ترانے کا ایک پوسٹر جاری کیا گیا ہے جس میں علی ظفر کو نقاب میں دیکھا جاسکتاہے، البتہ پی ایس ایل کے ترانے کے نام کے حوالے سےکوئی معلومات فراہم نہیں کی گئیں۔

 

View this post on Instagram

 

A post shared by Pakistan Super League (@thepsl)

 صرف یہی بتایا گیاہے کہ جلد پی ایس ایل کا ترانہ علی ظفر کی آواز میں ریلیز کیا جائے گا۔

یاد رہے کہ علی ظفر متعدد بار پی ایس ایل کا ترانا گا چکے ہیں، گزشتہ سیزن میں بھی پی ایس ایل اینتھم “کُھل کے کھیل” میں انہوں نے ہی آواز کا جادو جگایا تھا۔