عاطف خان پی ٹی آئی پشاور ریجن کے صدر اور ارباب شیر علی جنرل سیکرٹری مقرر

پاکستان تحریک انصاف نے محمد عاطف خان کو پشاور ریجن کا صدر جبکہ ارباب شیر علی کو جنرل سیکرٹری مقرر کر دیا۔

تفصیلات کے مطابق پی ٹی آئی خیبرپختونخوا سیکرٹریٹ نے ایم این اے محمد عاطف خان کو پشاور ریجن کا صدر اور ارباب شیر علی کو جنرل سیکرٹری مقرر کر دیا۔

پی ٹی آئی خیبرپختونخوا کے جنرل سیکرٹری علی اصغر خان نے نوٹیفکیشن بھی جاری کر دیا۔

مزید پڑھیں: پی ٹی آئی پارلیمنٹرین کے ارباب وسیم سمیت 6 ملزمان کے ناقابل ضمانت وارنٹ جاری

دوسری جانب پشاور ہائیکورٹ نے پی ٹی آئی رہنما فیصل جاوید کا نام پی این آئی ایل اور پاسپورٹ کنٹرول لسٹ سے نکالنے کا حکم دے دیا۔

پی ٹی آئی رہنماء فیصل جاوید کا نام پی این آئی ایل سے نکالنے کے لئے دائر درخواست پر سماعت ہوئی۔ درخواست پر سماعت جسٹس صاحبزادہ اسداللہ اور جسٹس اورنگزیب نے کی۔

ایڈیشنل اٹارنی جنرل ثنا اللہ نے عدالت کو بتایا کہ فیصل جاوید کے خلاف 6 ایف آئی آرز ہیں تین کیسز میں فیصل جاوید کا نام پی این آئی ایل اور پاسپورٹ کنٹرول لسٹ میں شامل کیا گیا ہے ان کیسز میں 7 اے ٹی اے بھی لگا ہے جن میں فیصل جاوید عدالتوں میں پیش نہیں ہوئے۔