اسٹیبلشمنٹ سے ڈیل کی باتیں بے بنیاد ہیں، بیرسٹر گوہر

اسٹیبلشمنٹ سے ڈیل کی باتیں بے بنیاد ہیں، بیرسٹر گوہر

چئیرمین پی ٹی آئی بیرسٹر گوہر نے کہا ہے کہ اسٹیبلشمنٹ سے صرف رابطے بحال ہوئے تھے، مذاکرات یا ڈیل کی باتیں بے بنیاد ہیں۔

نجی ٹی وی کیساتھ گفتگو میں بیرسٹر گوہر نے کہا کہ طلال چوہدری کاطالبان کی واپسی کا بیان حقیقت پر مبنی نہیں ہے۔ پاکستان دہشتگردی کے نرغے میں ہے، یہ الزامات لگانے کا وقت نہیں، ایسے بیانات کے بجائے اپنی توجہ دہشتگردی روکنے پر مرکوز کریں۔

مزید پڑھیں: پی ٹی آئی کو بیرونی نہیں اندرونی سازشوں سے خطرہ ہے: اسلم غوری

انہوں نے کہا کہ ریکارڈ کا حصہ ہے کہ طالبان آبادکاری کے فیصلے جولائی 2022کے بعد ہوئے ، طلال چوہدری نے غیر ذمہ دارانہ بیان دیا کہ دہشتگردوں نے پی ٹی آئی رہنمائوں کو نشانہ نہیں بنایا۔

انہوں نے کہا کہ ہم ملک میں دہشتگردی کی مذمت کرتے ہیںاور کسی بھی پاکستانی شہری کو نشانہ بنانے کی بھرپور مذمت کرتے ہیں۔ ہمارے اسٹیبلشمنٹ کیساتھ صرف رابطے بحال ہوئے تھے،مذاکرات نہیں ہوئے۔ 24نومبر سے قبل صرف رابطے کی بحالی ہوئی تھی، کوئی بات چیت نہیں ہوئی۔

انہوں نے مزید کہا کہ پی ٹی آئی کے اسٹیبلشمنٹ سے حتمی مذاکرات شروع ہی نہیں ہوئے، ڈیل کے تاثر کی باتیں بے بنیاد ہیں، جس کا حقیقت سے کوئی تعلق نہیں۔

Related Articles

Leave a Reply

Your email address will not be published. Required fields are marked *