غیر قانونی مقیم اور افغان سٹیزن کارڈ ہولڈرز کو پاکستان چھوڑنے کی ڈیڈلائن ختم ہونے میں صرف تین دن باقی رہ گئے ہیں۔
تفصیلات کے مطابق حکومت پاکستان کی جانب سے غیر قانونی، غیر ملکی اور افغان سٹیزن کارڈ ہولڈرز کو واپس بھیجنے کے فیصلے سے متعلق ڈیڈ لائن میں صرف تین روز باقی رہ گئے ہیں۔ 28 مارچ تک پاکستان چھوڑنے والے غیر قانونی افغان باشندوں کی کل تعداد 882,768 تک پہنچ چکی ہے اور واپسی کا یہ سلسلہ جاری اور ساری ہے۔
حکومت پاکستان کی جانب سے 31 مارچ تک ملک چھوڑنے کا حکم جاری کیا گیا حکومت پاکستان کے فیصلے کے مطابق ملک چھوڑنے میں 03 دن باقی رہ گئے۔حکومت کی جانب سے اس بات کی یقین دہانی کرائی گئی کہ انخلا کے دوران کسی سے بدسلوکی نہیں کی جائے گی۔
حکومتِ پاکستان نے واپس جانے والوں کے لیے خواراک اور صحت کی سہولیات کے انتظامات مکمل کر لیے ہیں۔مقررہ تاریخ گزر جانے کے بعد متعلقہ افراد کے خلاف سخت قانونی کاروائی عمل میں لائی جائے گی۔ دوسری جانب حکومتی زرائع کا کہنا ہے یہ 31 مارچ افغان سٹیزن کارڈ ہولڈرز کے لیئے حتمی ٰ تاریخ ہے اور اس میں کسی قسم کی توسیع قطعی نہیں کی جائیگی۔
By 
